கார்பரேட் பார்வை

வேறு பணிக்கு முன்னேறி செல்லாமல்
ஒரே நிறுவனத்தில் பல ஆண்டுகள்
குப்பை கொட்டுபவனும்
திறமையற்றவனே

தனக்கு திறமை இருப்பது போல்
நடிப்பவன்
பிழைக்க தெரிந்தவனே

சொல்லும் வேலையை மட்டும் செய்பவன்
செயல்லற்றவனே

மேல் அதிகாரிக்கு பெருமை சேர்ப்பவன்
துதி பாடுபவனே

பயிற்சி காலத்தில்
தாக்குபிடிக்க முடியாமல் தடுமாறி ஓடுபவன்
ஏமாந்தவனே

இங்கே கற்றுக்கொண்டு விட்டோடி
வேறு நிறுவனத்தை நிறுவுகிறவன்
திறமையானவனே

ஒன்றும் தெரியாமல்
நேர்காணல் வருகிறவனே
தகுதியானவனே

அணு கதிர்

அணு ஆராய்ச்சி
அணு உலை
அணு ஆயுதம்
அணு கழிவு

அணு கதிர் வீச்சு
புற்று நோய்
கொடிய மரணம்

அணுக்கள் சாதித்ததை விட இந்த உலகை சோதித்ததுதான் அதிகம்

மாசு
காற்று
மழை
நீர்
நிலம்
பயிர்
செடி
கொடி
மரம்
பூச்சிகள்
பறவைகள்
விலங்குகள்
மனிதன்
மனிதம்

அணு அணுவாய் நம்மை கொல்லும்
அணுக்கள் அற்ற உலகை படைத்திடுவோம்
இயற்கையோடு ஒண்டி வாழ்ந்திடுவோம்.